Տեղեկատվական խորհրդատվական հարթակը ստեղծվել է «Իրավունքների պաշտպանության նախաձեռնություն» հիմնադրամի` Եվրոպական միության համաֆինանսավորմամբ և «Ինֆորմացիայի ազատության կենտրոն» ՀԿ-ի աջակցությամբ իրականացվող «Երիտասարդները հանուն տեղեկատվության ազատության» ենթադրամաշնորհային ծրագրի շրջանակում։ Առցանց տեղեկատվական, խորհրդատվական հարթակի նպատակն է բարձրացնել մարզերի համայնքային բնակչության մասնակցությունը համայնքապետարանի կողմից վերջիններիս սոցիալ-տնտեսական իրավունքներին առնչվող հարցերի լուծման նպատակով որոշումների կայացմանը, որպեսզի վերջիններս արդյունավետորեն կարողանան իրացնել ՀՀ Սահմանադրությամբ, ՀՀ Տեղական ինքնակառավարման մասին օրենքով և այլ նորմատիվ ակտերով նախատեսված իրենց իրավունքները,

ներառյալ՝ ստանալու տեղեկատվություն համայնքապետարանի սոցիալ-տնտեսական գործունեության և բյուջեի ծախսերի վերաբերյալ, իրականացնելու համապատասխան հսկողություն։ Բոլոր այն անձինք, ովքեր ունեն իրավաբանական խորհրդատվության, կամ լրացուցիչ տեղեկատվություն ստանալու կարիք, կարող են լրացնել առցանց դիմումի ձևը, և մեր իրավաբանները կտրամադրեն այն հնարավորինս սեղմ ժամկետներում։

Հիմնադրամի նպատակներն են՝ 

- Հայաստանի Հանրապետությունում դեմոկրատական բարեփոխումների իրականացման և իրավական պետության հաստատման օժանդակում։

- Մարդու իրավունքների պաշտպանության խթանում դատական համակարգում և իրավապահ մարմիններում, կրթության, առողջապահության, սոցիալական ապահովության բնագավառներում։ 

- Հայաստանի Հանրապետությունում և սփյուռքում գիտական մտքի համախմբում։ 

- Մասնագետների պատրաստում և վերապատրաստում։ 

- Տեղեկատվական ցանցի ստեղծում։ 

- Գիտական սեմինարների, կոնֆերանսների, համաժողովների անցկացում։

Իր առջև դրված նպատակների արդյունավետ կատարումն ապահովելու համար Հիմնադրամը՝ 

- Համագործակցում է համանման այլ կազմակերպությունների հետ (այդ թվում օտարերկրյա)։ 

- Համագործակցում է պետական և հասարակական կազմակերպությունների հետ։

Հիմնադրամի շահառուներն են․ 

- ՀՀ քաղաքացիներ, քաղաքացիություն չունեցող անձինք, փախստականներ և ժամանակավոր կացության կարգավիճակ հայցողներ, ում իրավունքները պաշտպանության կարիք ունեն՝ կրթության, առողջապահության, սոցիալական բնագավառներում։